የልደታ ክፍለ ከተማ ኢንዱስትሪ ልምት ጽ/ቤት

በአዲስ አበባ ከተማ አስተዳደር ስር የሚገኙ መንግስታዊ ተቋማት ለተገልጋዩ ህብረተሰብ የሚሰጡ አገልግሎት ላይ ግልጸኝነትና ተጠያቂነት ያለው የአሰራር ስርአትን በመዘርጋት ከተጠቃሚው ህብረተሰብ ጋር ስራን መሰረት ያደረገ ግንኑኝነት እንዲኖረ በማድረግ የለውጥ ስራወችን ህዝባዊ መስረት እንዲኖራቸው እየተደረገ ይገኛል ፡፡

ስለሆነም በልደታ ክ/ከተማ ኢንዱስትሪ ልማት ጽ/ቤት የሚሰጠው አገልግሎት የተገልጋይ ፍላጎትን ማዕከል አድርጎ ይበልጥ ተደራሽ እንዲሆን ለማስቻል የሚሰጡ አገልግሎት አይነቶች፣ አገልግሎቱ የሚሰጥበት ስታንዳርድ፣ የሚሰጥበትን ቦታ እና ከተገልጋይ የሚጠበቁ ቅድመ ሁኔታዎችን በግልጽ በዝርዝር በማስቀመጥ የጽ/ቤቱ ሠራተኞች ዘመን የወለዳቸውን የቴክኖሎጂ ዉጤቶች አቀናጅቶ አገልግሎቶቹን በተቀመጠላቸው ስታንዳርድ መሰረት ፍህታዊና ቀልጣፋ አገልግሎት እንዲሰጡና ተገልጋዮች ምን ዓይነት አገልግሎት በምን ዓይነት ደረጃ (standard) ማግኘት እንደሚገባቸው አውቀው በአገልግሎት አሠጣጥ ላይ የባለቤትነት ስሜት ተሰምቷቸው አስተያየት፤ ጥቆማና ግብዓት የሚሰጡበትን ሁኔታ ያመቻቸን መሆኑን በአክብሮት እናሳዉቃለን፡፡